Kcho khaw Mta

  Kcho khaw ung om ca Mta cuh a khaw hei ah hteh pui neh yoih ba va ah kä kay law ba khai. Thinchawng pi go ung om ci ah Mta Cingci cuh shin ah kcha ung leng neh bi lo lawh ci gui ah kya ci. Shing ah ami bi loh nak läi cuh Kcho khaw ung om ci ah Mta geih ci gui ni bi lo ci ni ami van naw nglung lak na neh ami pawng pui ah kya ci. 

Shin ah ami bi loh law ah phäh ah Kcho khaw ung om ci gui ah Kcho chang gui naw ami geih ah Mta cuh a khaw hei ah kä mkon ba neh mi Kcho khaw ung a kni ah ami bi loh pyan mtham nak vai ah phäh ah kya law ci. Mta cuh Kcho khaw ung om neh lo bi man ci gui naw ami lo bi nawng neh ami geih ko ah kya lo ci. Mta cuh Kcho gui naw a ktung pi ah ami geih ko law ah a ging ah kay ci. 

Khaw lo mamawng neh ami om nak ung ka naw kä khaw lo ba neh ami geih ah kya ci. Shin ah Mta geih nak cuh shing ghing gui phi kä di eng hleh khaw gui khaw kkawng gui phi kä di maih ba neh Kcho khaw nglei kyaom lo na ba khai ah phih kya ci.