St. Vicent De Paul poi hngüp

Bä ca Vicent De Paul a mong hngut hmat nak

Bä ca Vicent De Paul a mong

Yum hmi nak gui bi ca bä ca Vicent De Paul cuh kum 1581  Pyinhtit khaw du dawng yai ca kia khyawngkhui ung a ngtüi lo tu ci. A khaw kum mkulegoi ung Bawiphaya a kia lo ci. 1677 ung kä gai ki a lai bi ca kchang tu mat no a kat nak gui a mthein tu ung ka no Pyinhtit khaw ung Lai bi ki gui a ami müng kcha täng a bi peit gui vai ngngaihtuh lo ci. Du dawng ci gui lah Bawiphaya gui kavai päih a ghün nak a van Khanpughi on pek ki. Pari gono ung Khanpughi ah bi bi lo ci. 1626 ung bä ca Vicent De Paul ngming nak ca kchang ngbum cuh tün pong neh bi lo ci. Ngami no du dawng ci gui a ngmüng kcha lah kyiä ka vai a hlü ci gui a tung pi ah bi pek gui khai a mhmi mkyü ank a kchang ngbum cuh leng ne bi lo ci.1633 ung Louis no a gung htot nak ung hmimgu nak a Maamah gui phih mdüit ci. "Suh a shan ya ung du dawng ci a lo a kiak ung na gung cang vai. A cun a bi bi cuh suh na shan vai hlü ah khanpughi on m'ap neh na bi vai" ci neh Vincent De Paul no piein ci. "Khanpughi ah kchü mgein nak a tah Khanpughi no a ning peit vai Yai ca nak a kyüih vai" ci neh mthei ci. Bä ca Vincent De Paul cuh 1660 kum ung Pari gonu ah shi ci.

Add new comment

17 + 0 =

Please wait while the page is loading