I ah kya hlei Christian Kyanca gui kä täng?

 Catholic kyanca ung 73 lo neh Protestant kyanca ung 66 om ci.Bawi Jesu a mong ami guk kyangca da aih chütah AD 393 ung Hippo Manggo ung  Htahtana ngvai gui lah kyanca khmat gui ngbum u neh tah a hei kyanca gui on kä nghloi ngpan tu ciah guk then gui cuh khtät u neh Apocripha ( အပယ္ ကွမ္း) ah ami hlui.

 Cun cuh protestant gui no kä hmat u neh ami kyanca ung kä om tu ciah Catholic kyanca am Apoctypha ah ami hlui tu ah kya ci. Protestant kyan ung kä om ciah Catholic kyanca am kyanca ngtawi  (တွဲဖက်ကျမ်း) ciah ami chü gui cuh Tobit, Judit, Meccabee 1,2, Baruch, Ni kshe mcha ne hnguh hmat nak (Wisdom) Ecclesiasticus ( Beit mcäi ngngaih nak) gui cuh Htahtana a om kä sho pha hleih ami kbäi ge ah kya ci.

  Prostestant kyanca 66 cuh bawi Jesu kä kyum lo pha kum a pi ung Palestine kho ung om ciah Jew gui naw Hebrew kchi bäbä on Palestine bäng ung guk vah kyanca kcang ah kya khai. Prophet Esra kon ah guk ah kyanca ah kä kya khai ciah ami ngngaih ah ami kbäi nak ung 66 bäng kpoih law ci. A cun ah 66 ung ka hngaw Martin Luther no Hebrew, James, Jude, Mik hnguh kphli a khtät te, a khngu ah Protestant  ngvai gui naw ami mdon ba.

  Catholic Htahtana no cun ah a mong cuh Trent mango ung ngbum nghtawi ba netah AD 393 ung Hippo ung a kbäi ah kyanca cuh kbäi ba neh kyanca akcang cuh 73 ciah mkhän ba ci gui.