A gha-le-k'thum nak kyün k'hngüp

Bawi m'hni pi vai among
A u pang-tah kei-atah a Pá boh, a Nú boh, m’hni tu bà pi ci cuh kei-awn kä chîn ci. A htá-k’pá boh, a htá-k’hngu boh, m’hni tu ba pi ci cuh kei awn kä chîn ci. 38 A mät-ah Sing-m’kang-k’tùng k’kot neh ka hngú-ah kä na läk ci cuh kei awn kä chîn ci. 39 A mät-ah hngùn m’ghin hlü ci nawh a hngùn m’sih ci-ah kia khai. Kei ah phäh-ah, a hngùn m’sih ci nawh ghinnák gah khai.
Ng’khéng gah khai u ang? (Mk- 9:41 )
Nangmí ning m’om tu gùi ci nawh kei na m’om tu ci; kei na m’om tu ci nawh na tüi lo ci mät m’om tu ci-ah kia ci. 41 Ce ng’sä-ah hmat neh ce-ng’sä m’om tu ci nawh ce ng’sä-ah ng’khéng gah ci; k’chàng k’ní-ah hmat neh k’chàng k’ní m’om tu ci nawh k’chàng k’ní-ah ng’khéng gah ci. 42 A u nawh phih a k’ghói pí àm, ka hlu läk-ah a kia-ah phäh ah, tui k’khîng m’zak ät htá düit tu tu-khai; kei nawh nangmí àm a k’càng-ah ka piéin cuh, a phù kä gah-ah kä om khai.