Japan ghuinkhaw ung Nuclear bomb ami m'kyek nak kum 75 be lok khai ah kya ci.

US ghuinkhaw ung om ciah k'taigüimang gui no Hiroshima lah Nagasaki mang-go ung Bomb k'cha neh a mi m'kyek nak 75 kum a be nak gok lok khai ah kya hleih shin ah pat ung dimkyäp nak a om vai ah bü ceng neh k'taigüi vai ciah pahta k'chang gui chü-thäm gui ciah kyak ci. Khaw-m'dek pum ung dim-kyäp nak a om vai ah täng-pang neh bi loh ci gui ah k'taigü mang gui ng'bum noh Nuclear hle-het kä om en ba vai ah mong cuh July k'cha (13) hngüp ung Pyein k'hlak ci gui ah kyak ci. Papashangpughang no phih Japan ghuinkhaw ah a hteh yah ung "nuclear kä om en ba vai cuh k'chang päng van noh a ng'yaak hlü ah kyak ci ciah pyein ci. 1945 kum, August k'cha (9) hngüp ung Nagaski mang-go ung nuclear bomb a mi k'chak ah kyak ci.Cun-nung ka noh hngüp-kthum ng'lak na hleh Hiroshima mang-go ung a mi k'chak ba ah kyak ci. Bomb a ng'kyak vai lah Nagaski mang-go ung om ciah k'chang gui 70000 cuh shik ci gui, kä sho hleh a cun ah bomb no bloh gui hte ah k'chang 75000 shi ba ciah kyak ci. Bomb a mi k'chak yah ung Catholic pahta k'chang 12000 om ci gui ung ah 8500 cuh a cung shi yop ci gui. Bawi Jei su shing m'kang k'tung lah Nu Maria ah mui (sintuh) cun phih di-dam ciah kyak ci. A cun gui cuh a tuh chü kon ah a mi hnguh ba ah kyak ci. Papashangpughang no pyein nah, a cun nah shing m'kang k'tung lah Nu Maria ah Mui a mi hnguh ba noh bumb a mi m'kek ah phäh ah shik ci gui ni, yai-ca gein vai ci gui ah k'chang gui ah k'kyong khui gui na shüm ba hlak gui ci ciah pein ci. 1981 kum ung Papashangpughang John Paul (2) Japan ghuin-khaw ah a hteh ung ka no tün neh, Japan ghünkhaw ung om ciah Catholic phta k'chang gui cuh a kum tä hleih August k'cha (6) a k'chuk hngüp ung tün neh k'hngüp ghaa(10) cuh dim-kyäp nak a om vai ah bü-ceng neh k'tai-güi ti ci gui ah kyak ci.