Puktah Sayataw Ashin Nyanissara, Sitagu Sayadaw noh US ngüi 10,000 petu gui ca kyak ci

Papashangpughang Francis no täng pang neh a bi loh ah kyak ca Covid-19n lei noh a tam mah chang gui gung tot nak vai (Fun) ung M'ma khaw(Myanmar) ung a ng'ming thang ki ah Puktah Sayataw Ashin Nyanissara, Sitagu Sayadaw noh US ngüi 10,000 pet tu gui ca kyak ci. a cüin nah ngui cuh Mandalay tatana ung ka Archbishop Marco Tin Win  noh Aprial k'Cha 16 hngup daw ca kyak ci. k'tang, m'shi, si, k'hlulhen, k'bei  gui cun phih du khaih ci gui am pe gui ca kya ci.  shin nah a pet taak gui cuh tu mat lah tu mat k' chüi m'gein nak m' dang nak kyak ci ciah pyei ci. Covid-19 lei a hlo kang yah ung, tu mat lah tu mat a täng ah bi loh neh ng' gung tu vai hlui ca kyak ci ciah Puktah sayataw noh pyein ci. A shin nah a pet tak tu gui cuh a niah m' lung ni a m' dang lah k'chang gui a mi yai ca yah ung ät neh om ghom mah mong  a m' dang ah kyah ki cih Archbishop Marco Tin Win noh pyein ci. Puktah sayataw cuh a ghi ng' vai lo gui ni, a k' pang gui ni, hmei ta gui ni, gawi pyam neh yaica ca chang gui  gung tot tu gui man ca kyak ci. A ni  cuh 2017 kum, Novenber k'cha ung, Papashangpughang Prancis m' maa khaw (Myanmar) ah a lo yah ung ng'hngung hmat man ci gawi ah kyah ci. 2011 kum, Rome mang gaw ah Papashangpughang Benedict kon phih mg hngu man ci gawi ah kyak ci.

 

 

Add new comment

2 + 7 =

Please wait while the page is loading