Tamasaya gui ka vai i ci vai ?

Kkyung Lawng Tamasaya la RVA

 Kcho khaw ung tuhchü Tamasaya gui a i ah kya hleih a ken law la a i ah ci ba ung Tamasaya gui a om a da law ba vai ci cuh nghta ngkaw nak ah kya ci. Kcho khaw cuh a yan ung Tamasaya gui ah bi lawh a phäh ah Catholic cuh ngchüih ngkhawng law ci ah kya ci. A cun ah phäh ah phi Bawiphaya Mama gui a kda om law ci ah kya ci cuh mi van naw mi hmat ci ah kya ci. Tuhchü mi teng law ba ung Bawiphaya Mama gui läi da law te ci Tamasaya gui cuh ken law pi hti ci ah kya ci. Ngawi ah Tamasaya gui kä om law ba neh a kya ung Bawiphaya Mama gui mä a i ah leng neh Htahtana ah amawng bi khai gui mä ci cuh mi ngngaih ngtüh vai ah kya law ci.

 1984 ung leng neh Tamasaya bi law ci ah Saya Pa Manai Phäi naw pyein neh tuhchü Tamasaya ken law ci ci neh pyein ci. Tamasaya gui cuh Bawiphaya Mama gui naw ami mthei vai ah Sacrament tu amawng gui ma neh pahta kchang gui am mthein mkan ci gui ah kya ci ci neh phi pyein ci. A cun ah kyatu lang pang hleh phih Tamasaya bi ba khai gui tuhchü kä om law ba ci nei ci ci. A i ah kya hleh ci ung Tamasaya gui ah ami ngcheng nak cuh ken aih ci ah kya hleih ci neh pyein ci. 

 Tuhchü Tamasaya gui cuh kcha ät ung täm khma gah ci gui ah phi kya ci. A hei a coyah hngüng ung bi ci  gui  cuh a kken pi ah tämkäp goi la tämkhma gah ci gui .  

Add new comment

1 + 6 =