July k'cha 11 nak cuh (World Population Day (WPD)) k'hngüp ah kyak ci.

Tuh-goi July k'cha a gha-lei-ät nak (11) cuh (World Population Day (WPD)) k'hngüp ciah United Nations ng'bum no k'hngüp khät neh a kum täi hleih ghuin khaw, ng'bum gui avan no bi vai ciah k'hngüp a khän ah kyak ci. Khaw m'dem pum ung cuh, a k'hngüp täi hleih k'hngi m'chin ät (minute by minute) ah ng'lak ung k'chang gui cuh ng'tüi om ci gui ah kya neh, a k'hngüp täi hleih k'chang gui cuh mi daa lo bi hti ca kyak ci.

A cun ah a k'hngüp täi hleih k'chang gui mi daa lo pi hti hlu ah, hlum-lei awng-pang nak gui ni, tung-mang biloh ei-awk gui ni, m'lung-kyä ah gai-gong nak gui ni lah du-khaih nak gui cuh k'chang gui a k'hngüp täi hleih m'ghün-om nak ung a na ang'toi om vuk ca kya hleih mi ng'ngiah nak vai, mi m'htei nak vai hlü ca among mi hmat nak vai ah phäh ah shin ah (World Population Day (WPD)) k'hngüp cuh a mi bi lo ah kyak ci.

Shin ah  (World Population Day (WPD)) k'hngüp cuh 1990 kum, December k'cha ung ah United Nations (UN Grneral Assembly) ng'bum no khong bang hleih tün bong neh a mi bi lo ah kyak ci.