Bawi Jesu ah shi lah hla

Khan-kho ei ok vai
Khãnmòpí-a kah, kium lo ci-ah, kei cuh, ghing ci-ah m’htut ah ka kia ci. Sin-ah m’htut èi ci läí cuh a k’cùm-ah ghing khai. Ka péit vai-ah m’htut cuh sin-ah khaw m’dek-a phäh-ah kei ah hlá néi.
52 Cun kon-ah Judeu gùi nawh, “Sin nawh a mät-ah hlá ei vai-ah a i-ah pe hnging khai ang?” ci neh ami mät ng’cuh ci gùi. 53 Jesu nawh ngamí àm a piéin cuh, “Nangmí àm a k’càng-ah ka piéin cuh k’chàng-a Htá-ah hlá, kä nami ei ung ani-ah si kä nami áwk ung nangmí ung hngùn kä om khai. 54 Ka hlá èi neh ka si áwk ci nawh, a k’cùm-ah ghinnák gah ci. Ani cuh cin khàw a lo k’hngüp ka m’ghin bà khai. 55 Kei-ah Hlá cuh ei vai a k’càng ah kia ci. Ka si cun phih, áwk vai a k’càng ah kia ci. 56 Kei-ah Hlá lah Si èi aw ci-ah k’chàng cuh kei ung ät ci. Cun-ah k’chàng ung phih kei ka om ci. 57 A k’cùm-ah ghing neh om ci-ah, Pá Khãnpùghí nawh, kei cuh, na tüi lo hleih kei cuh, Pá ung ka ghin-a hlo-ah, kei-ah Hlá lah Si ei áwk ci-ah k’chàng cuh kei ung ghing khai. 58 Sin-ah m’htut cuh Khãnmòpí-a kah kium lo ci-ah, m’htut-ah kia ci. Nangmi-ah pughí pá gùi nawh, Mannã èi neh ami sih-a hlo-ah kä kia khai. Sin ah m’htut èi ci-ah k’chàng cuh a k’cùm a k’täih-ah ghinnák gah khai,” ci neh Cãpharnaum pigò-ah cã-gat ung m’thei gùi ci. 59 Cun-ah a màwng gùi cuh Báwi nawh Cãrphànaum, cã-gat-ah, m’thei gùi neh piéin ci.