A k'shi gui kavai shuh shan nak a k'hngüp

Nain hmeinú-a htá a m’ghin bà.

 Kä so pha hleih Nain ng’mingnák ci-ah, pigò-ah hteit hleih a-hlu-läk gùi lah, k’chàng a k’dá, m’gù tu ci gùi. 12 Pigònu m’kot pèi-ah a gok lo zah ung a nú nawh tumat htá bäng-ah a htánák-ah, k’pámihtá cuh si hleih k’phuh vai u neh ’kot te ci gùi. Ani-awn a kong ät-ah, pigò k’tu a ng’um nawh läk tu ci gùi. 13 Jesu nawh cun-ah k’hngumi cuh, hnguh lo neh a ng’htéi-ah m’gein neh “kä kiap-èin-ä,” ci nehtah a pèi-zah lo neh gáwk ng’chüm cuh, ven hleih ’kot ci gùi cun phih, ng’düi ci gùi. 14 Cun kon-ah, Jesu nawh nang k’pámihtá, “Let lo-ä, ka ci,” ci neh piéin hleih a cun-ung, sih ci te cuh let lo neh ngoh nehtah ng’htà lo bà ci. 15 Jesu nawh phih, ani cuh a nú-àm pe bà ci. 16 Hnguh tu ci-ah, Sin-ah k’chàng gùi avan nawh a ng’htéi-ah cäi-cat u neh Khãnpùghí zùm m’nài u neh mihmi gùi-ung, ce ng’sä a k’bä tumat om lo tu pi ci néi. Khãnpùghí nawh a na k’chàng gùi cuh na teng m’kein lo gùi ci,” ci neh Báwi-ah bänák m’tam ci gùi. 17 Cun-ah màwng cuh, Judea khaw púm lah a pèi-ah om ci-ah khaw púm-ah ng’hmat zop ci.