Ng'htek ci ah m'kot ung luh vai

M’Kot-lo k’thet; Judeu  gùi nawh ami mãnák, A ’khúi hei gùi a chü lonák.

 Pigò a k’zo, k’däm gùi hlùn neh m’thei gùi neh Jerusalem-ah hteit ci.Tumat nawh,“Báwi-aw, phiòng ci gùi kèn u neh-ang?” ci neh ng’si hleih Báwi nawh ani-àm a piéin lo bà cuh,  “Ng’Htéik ci-ah m’kot-ung nami luh vai-ah k’thá na vä. A i-ah kia hleih ci-ung nangmi àm ka piéin cuh, a k’dá lut hlü láng neh kä lut hnging ci gùi.

 “Im-mah cuh, lut nehtah k’soh a khai kon-ah, nangmi a k’pùng-ah ng’düí neh khäk neh, “Báwi-aw, na k’hmón tu gùi-ä,” nami ci-ung phih, ‘Nangmi a hòi-a kah nami kia, kä ka ning hmat gùi ci,” ci neh ning m’sàng bà gùi khai.  Cun-ung, nangmi nawh, “Nang Báwi-awn kami èi-aw tu ät màn ci. Kami lam gùi ung phih na m’thei màn ci,” ci neh lèng neh nami piéin lo khai.  Ani nawh phih, “Nangmi a hòi-kah, nami kia, kä ka ning hmat gùi ci. Kä chin ’ká hleih nami bi ci gùi-aw, kei-ung-kah, hteit vä,” ci neh ani nawh piéin lo khai. 

Cun kon-ah, Abraham, Isaac, Jacob-ung lèng neh ce ng’sä gùi avan cuh Khãnpùghí-ah khàw-ah om u hleih nangmi läí cuh, a k’pùng-ah ami ning k’täm lo gùi- ung cun zah-ah kiah-nák, hà ’kiütnák om lo khai.  Hngi lo, hngi kiak, a khaw hei-a kah lo u neh Khãnpùghí-ah ghin-khàw-ah ng’hngan lo tu khai gùi.  Hngú ci gùi, mà lo khai gùi. Mà ci gùi, hngú lo khai gùi.