A mi mät hta om neh gein-vai ci gui ah a ghü-ng'vai gui m'htei gui vai.

Tuh-chü corona lei a om yah ung nang mi k'hmo-k'tho gui noh a mi mät hta om ci gui ah a ghüi-ng'vai gui ah om nak ah hteit neh k'thagui a mi gah vai ah na mi ng'thu ng'hta pui gui vai hlü ci ciah Papashangpughang Francis no na m'thei m'cä gui ci. A mi im mah phi kyai, a ghü ng'vai gui a mi m'htei nak ka phi kyai om u neh a gein vai hta ah a mi mät hta om ci gui ah a ghü-ng'vai gui am hip-hmawih hta hleih na mi ng'thu ng'hta pui gui vai, na mi om kya pui gui vai ciah Papashangpughang no k'hmo k'tho gui cuh chü thäm gui ci ah kyak ci. A ghü-ng'vai gui päng a van cuh mik mi a van ah mi pughüi-pa gui ah kyak ci ciah pyein ci. Nga-mi gui kä mi nong ein ko, i ah kya hleih ci ung a ghü-ng' vai gui cuh mik mi ah mi ng'yung nak ah kyak ci ciah pyein ci. A ghü-ng'vai gui am Phone chü neh ng'hta pui gui vai, Video call chü neh mi ng'hta pui gaui vai, ning shüm ba gui ciah ca gu-then neh m'khäh gui vai, ang'hlawi ah kya ung hteit neh om tu u neh a ghü-ng' vai gui kyop gui neh mi yei nak ah mong mi m'dang vai ka ning chü-thäm gui ci, ka ning k'hnga-k'phlang tu gui ci ciah pyein ci. A ghü-ng'vai gui cuh mi ng'yung pya nak ah kya hleih ngami on mi ät vai hlü ci ciah pyein ci. I ah kya hleih ci ung, shing güng tu mat ah a theih pai cuh a ng'yung pya ung ka no lok ci ciah kyak ci neh Papashangpughang no na m'thei m'cä gui ci.

.

 

 

Add new comment

10 + 2 =